User:Wicped/sandbox

Ölkə başçısı cənab İlham Əliyevin 2021-ci ilin fevral ayının 1-ində açılışını etdiyi və vətəndaşların istifadəsinə verilən Abşeron Rayon Mərkəzi Xəstəxanası modern görünüşü və müasir standartlara uyğun olaraq qurulmuş strukturu, kamfortlu palataları ilə bura müraciət edən hər kəsin məmnunluğunu yüksək səviyyədə təmin edir. Bakı-Quba avtomobil yolunun şərqi 8-ci kilometrində 6 hektar ərazidə yerləşir. Həyətində əkilmiş həmişə yaşıl ağaclar sayəsində həm ekoloji baxımdan, həm də dekorasiya baxımından xüsusi bir abu-hava yaradır. 1029 personalın , 31 şöbənin, 15 ailə sağlamlıq mərkəzinin fəaliyyət gösrədiyi Abşeron Rayon Mərkəzi Xəstəxanasında müraciət edən hər bir vətəndaşa fərdi yanaşılaraq həm keyfiyyətli tibbi xidmət, həm də personal tərəfindən yüksək səviyyədə qayğı və diqqətlə yanaşılır. Abşeron Rayon Mərkəzi Xəstəxanasında vətəndaşların tibbi xidmətlərə əlçatanlığının və pasiyent məmnunluğunun artırılması üçün yeni formatda istifadəyə verilən, Geniş və işıqlı guşədə təşkil edilən 22 personalın çalışdığı Qeydiyyat şöbəsi əhaliyə kompakt və əhatəli xidmət göstərir. Burada xəstəxanaya müraciət edən vətəndaşlara göstərilən xidmətlər barədə informasiya almaq üçün məlumat mərkəzi, ixtisaslı həkim müayinədən keçmək üçün qeydiyyat masaları, şəhid ailələri və qazilərlə iş masası, digər tibb müəssisələrinə göndərilən xəstələr üçün göndərişlər masası, rahatlığın təmin edilməsi üçün 50 nəfərlik gözləmə guşəsi və s. təşkil edilib. Xəsətəxananın poliklinika şöbəsində müxtəlif ixtisaslar üzrə- 85-dən çox həkim vətəndaşlara xidmət göstərir. Şöbədə komputertomoqrafiya, ulturasəs, rentgenoqrafiya, füloloqrafiya, elektokardioqamma, exokardioqrafiya, holter, strestest, Elektroensefaloqrafiya, elektormiyoqrafiya, spirometriya, qastroskopiya, kolonoskopiya və.s müayinə üsulları icra olunur. Gün ərzində poliklinika şöbəsinə müraciət edən vətəndaşların sayı 1500-1800 aralığında dəyişir. Müasir günümüzdə fizioterapiya ən təhlükəsiz müalicə üsulu hesab edilir.Fizioterapiya şöbəsində müxtəlif metodlarla fiziki faktorlardan istifadə etməklə xəstələrin müalicəsi həyata keçirilir. Gün ərzində 75-85 pasiyent İcbari Tibbi sığortanın Xidmətlər Zərfinə daxil olan fizioterapevtik xidmətlərdən yararlanır. 54 personalın fəaliyyət göstərdiyi Stomotologiya şöbəsinin tibb heyəti Rayon ərazisinin böyüklüyü nəzərə alınaraq həm mərkəzdə həm də Ailə sağlamlıq Mərkəzlərində müraciət edən vətəndaşlar xidmət edirlər. İnsan sağlamlığı ölkəmizin gələcəyinin təminatıdır.Buna görə də onun qorunması dövlətimizin prioritet vəzifələrindən biridir. Əhaliyə göstərilən Tibbi Xidmətin yaxşılaşdılıması və təkminləşdirilməsi ilə əlaqədar həyata keçirilən dövlət proqramına əsasən bir sıra şöbələr yenidən yaradılmış və müasir aparatlarla təmin olunmuşdur. Abşeron Rayon Mərkəzi xəstəxanasında “Dövlət Proqramı” çərçivəsində fəaliyyət göstərən Hemodializ şöbəsi Frezenius 4008 S, Gambro AK 98 markalı müasir tipli süni böyrək aparatı, xəstə başı monitor, EKQ aparatı, Süni tənəffüs aparatları ilə təchiz edilib. Burada günlük 3 növbə olmaqla 27 hemodializ seansları aparılır. Qeyd edək ki, şöbədə ağır reanimasyon xəstələrdə hemodializ seansları aparmaq üçün bütün imkanlar yaradılıb. Fasiləsiz şəkildə fəaliyyət göstərən Mərkəzi laboratoriya şöbəsi 4-cü səviyyə olub, tam avtomat şəkildə işləyən avadanlıqlarla təchiz edilmişdir. Burada kliniki analizlər ,hematologiya, hemostaz, biokimya, immunologiya ,mikrobiologiya bölmələri mövcuddur. Həmçinin əhaliyə əlçatan xidmətin təmin edilməsi məqsədilə xəstəxananın tabeli müəssisələrində də qanalma otaqları istifadəyə verilib. Şöbədə gündəlik orta hesabla 550-650 pasiyentin laborator müayinələri aparılır. Avtomatlaşdırılmış şəkildə fəaliyyət göstərən laboratoriyada Hər bir vətəndaş laborator müayinələrin nəticələrini elektron şəkildə əldə edə bilər.

Abşeron Rayon Mərkəzi Xəstəxanası bütün lazımi şərait, təminat-təchizat və kadr potensialı ilə, bununla yanaşı Mərkəzi havalandırma sistemi və hər çarpayı üçün ayrıca çıxışı olan mərkəzləşdirilmiş oksigen xətti ilə təchiz olunub. 

Xəstəxananın mətbəx bölməsidə stasionar şəraitdə müalicə alanıar üçün xüsusi reseptlər əsasında yeməklər hazırlanır. Xəstələr həkim-diyetoloqun nəzarəti altında gün ərzində 3 dəfə olmaqla keyfiyyətli qidalanma ilə təmin olunurlar. 50 çarpayılıq Doğum şöbəsində doğuşa hazırlıq palataları, 4 ədəd doğuş zalı, əmaliyyat bloku, ayıltma palatası mövcuddur. şöbəyə 34 həftədən 42 həftəyədək bütün yüksək risk qrupuna daxil olan hamilələr müraciət edir. Ay ərzində 180-190 təbii və keysəriyyə yolu ilə doğuşlar, müxtəlif ginekoloji əməliyyatlar və digər prosedurlar Xidmətlər Zərfi çərçivəsində icra olunur. İcbari Tibbi Sığorta üzrə Dövlət Agentliyi (Agentlik) ilə Birləşmiş Millətlər Təşkilatının Uşaq Fondunun (UNICEF) birgə icrasına başladığı “Körpə Dostu Klinikası” təşəbbüsü çərçivəsində körpələri ana südü ilə qıdalandırma və bunun faydaları haqda düzgün, asan başa düşülən məlumatların qadınlar arasında təbliğ edilməsinidə, Yeni ana olmuş qadınlara öz körpələrini ana südü ilə qıdalandırmaları üçün dəstəkverici mühit yaratmaq məqsədilə həm xəstəxana daxilində həm də tabeli Ailə Sağlamlıq Mərkəzlərində işçilər səylə çalışır. Xəstəxananın Əməliyyatxana bölməsində 5 əməliyyat otağı fəaliyyət göstərir. Burada həm açıq, həm də qapalı (lapraskopik) üsulla əməliyyatlar icra edilir. Bölmə beynəlxalq standartlara uyğun olaraq ən son texniki avadanlıqlarla Mindray narkoz aparatlari ve monitorlari ile, C-ARM(si arm) rentgen aparati ilə təchiz olunub. Ay ərzində planlı və təcili olmaqla 300-350 abdominal, uroloji, travmatoloji, ginekoloji, üz-çənə və otorinolorinqoloji, neyrotravmatoloji və s əməliyyatlar uğurla həyata keçirilir. 10 funksional çarpayıdan ibarət olan Anesteziologiya,Reanimasiya və İntensiv Terapiya şöbəsində müasir tipli hər çarpayı üçün xəstəbaşı monitor, süni tənəffüs aparatı, infuzomat, perfuzomat və digər avadanlıqlar mövcuddur. Şöbə istər təminat baxımından, istərsə də peşəkar işçi qüvvəsinin fəaliyyəti səbəbilə yüksək səviyyədə xidmət göstərir. Bura Abşeron və ətraf rayonlardan ağır ürək-damar, nevroloji, müxtəlif ağırlıqlı travmalar, tənəffüs sistemi xəstəlikləri və s diaqnozu ilə xəstələr yerləşdirilir. Aparılan müayinələr, tətbiq olunan müalicə üsulları nəticəsində kritik vəziyyətdən çıxarılan xəstələr profil üzrə şöbələrə köçürülür. Ekoloji cəhətdən təmiz və geniş əraziyə malik olan 8 şöbə, 100 palata, 195 çarpayıdan ibarət Saray Modul tipli Vərəm Əleyhinə Xəstəxana xəstələrə effektiv nəzarət üçün əlverişli şərait yaradır. Vərəmin bütün formalarının erkən və keyfiyyətli diaqnostikasının təmin etmək üçün ultrasəs müayinə aparatı, hərəkətli rentgen aparatı, bronxoskop, elektrokardioqrafiya, otorinolorinqoloji avadanlıqlar, molekulyar genetik diaqnostik laborator müayinə üçün avadanlıqlar və digər yardımçı cihaz və alətlərlə təchiz olunub. Burada süni tənəffüs aparatına ehtiyacı olan, xüsusi baxım tələb edən xəstələrə reanimasiya və intensiv terapiya şöbəsi yüksək texnologiya ilə xidmət göstərilir. İcbari Tibbi Sıgorta üzrə Dövlət Agentliyi və TƏBİB tərəfindən son illərdə tibb müəssələrində təcili və təxirəsalınmaz tibbi yardımın keyfiyyətinin, əlçatanlığının və operativ xidmətin təmin olunması istiqamətində mühüm tədbirlər həyata keçirilir. Abşeron Rayon Mərkəzi Xəstəxanasında fəaliyyət göstərən Təcili və Təxirəsalınmaz Tibbi yardım şöbəsinin çevik və ixtisaslı kadrlarla, təcili yardım maşınlarının müasir standartlar uyğun avadanlıqlarla təmin olunması sayəsində məmnunluq səviyyəsi günü-gündən artmaqdadır. Xəstəxananın Təcili Yardım bölməsi Anqlo Amerikan Anqlo Sakson modeli əsasında fəaliyyət göstərir. Bölməyə pasiyentlər birbaşa və ya Təcili və Təxirəsalınmaz Yardım briqaları tərəfindən çatdırılır. Qəbul edilən xəstə tiryaj olunaraq ağırlıq dərəcəsinə görə qırmızı,yaşıl və sarı zonalara yerləşdirilir. Bölmədə infeksiyon xəstələr üçün İzoliyasiya otağı, Cərrahi müdaxilə otağın mövcuddur. Ailə Sağlamlıq Mərkəzləri İlkin Səhiyyə Xidməti kimi səhiyyə xidmətinin təşkilində önəmli yer tutur. 2021-ci ildən TƏBİB-nin müvafiq qərarına əsasən mövcud həkim məntəqələri Ailə Sağlamlıq Mərkəzləri kimi yeni formatda fəaliyyət göstərməyə başlayıb. Abşeron Rayon Mərkəzi Xəstəxanasının nəzdində 15 Ailə sağlamlıq Mərkəzi xidmət göstərir. Vətəndaş yaşadığı ərazidə yerləşən Ailə Sağlamlıq Mərkəzinə müraciət edərkən 25 istiqamətdə ilkin səhiyyə xidməti görməklə yanaşı, aidiyyatı üzrə ehtiyac olduğu təqdirdə daha dərin ixtisaslaşmış müayinələrə yönləndirilir. Keyfiyyət göstəricisinin əsasını vətəndaş məmnnuniyyəti təşkil edir. Fiziki və mənəvi vəziyyətinə görə səhiyyə ocağına müraciət edən vətəndaşlara müəssisə işçilərinin diqqət və qayğısı xüsusi önəm daşıyır. Rayon Mərkəzi Xəstəxanasında vətəndaş qəbulları zamanı edilən müraciətlərə peşəkar komanda tərəfindən dərhal və təxirəsalınmaz münasibət bildirilir. Dünya səhiyyəsində baş vermiş ən müasir tibbi metodlardan faydalanaraq milli səhiyyənin inkişafına xidmət etmək , güvən və məmnunluğunu yüksək səviyyədə təmin etmək məqsədilə çalışan Abşeron Rayon Xəstəxanası sağlamlığınızın keşindədir.