Benigno "Ninoy" Simeon Aquino Jr. (Nacimiento: Tarlac, 27 de Noviembre, 1932 - Muerte: Manila, 21 de Agosto, 1983). Un politico Filipino. Un periodista tambien. Su primero trabajo, como reportero na guerra de Corea na edad de 17 años antes ele ya entra na politica.
Juventud edit
Si Ninoy Aquino ya nace na un famila que importante na Concepcion Tarlac, isla de Luzon del Filipinas. Su abuelo, si Servillano Aquino, un general de Emilio Aguinaldo na fuerza revolucionario. Cun su mana complimiento como un reportero de periodico, ele ya recibe el premio de "Legión de Honor" con Presidente Elpidio Quirino na joven de edad de 18 años.
Politico edit
Na su tiempo, si Ninoy el con todo joven alcalde na edad de 22 años, vice-gobernador na edad 27 años, y del año 1961, gobernador de Tarlac na edad 29 años. Cinco años despues, si Ninoy el secretario general del entero Partido Liberal y ya queda ele solamente viviente del partido na Senado y especialmente, el principalmente opposition contra administration del Presidente Ferdinand Marcos. Con Ninoy ya condena muerte del ano 1977. Ele ya esta na preso hasta Mayo de 1980 cuando ya dale con ele permiso el administration Marcos para man viaje na Estados Unidos para cura cun su emfermedad de corazon. Maskin na preso, si Ninoy es un miembro siempre del congreso. Considerao si Ninoy como bajo na un exilio del año 1980 y hasta quel tiempo ya volve ele na Filipinas.
Muerte edit
Contra con el mana consejo del su famila y mana amigo, Si Ninoy ya volve na Manila del Agosto 21, 1983. El momento ya sale ele na puerta del eroplano para abaja na tarmac, ya tira bala de armas de fuego cun Ninoy el mana soldao. Ya muri si Ninoy Aquino na mismo aeropuerto internacional de Manila. Ya cuhi y ya hace preso con el mana soldao responsable con el muerte de Ninoy. Pero, mucho conbinsido que el President Marcos amo el mandador con el asasinacion de Ninoy, maskin hasta este mana tiempo no hay siempre prueba. Por causa con el muerte de Ninoy, ya continua y mas ya queda popular el oposicion contra cun el gobierno de Marcos. Cun su viuda, Corazon "Cory" Cojuanco Aquino, el oposicion ya forma nuevo partido contra administracion. Bajo na presion del America, si Marcos ya llama pronto un eleccion, y si Cory ya corre contra administracion bajo na partido del oposicion. Despues el eleccion, ya proclama el congreso de Marcos cun ele como el victorioso, pero por causa del pacifico y palido "People Power Edsa Revolution" ya abaja el dictador Marcos despues el mas de 20 años na poder. Cun el viuda di Ninoy Aquino, si Cory Aquino, ya proclama el aka-11 Presidente del Filipinas o el Primer Presidente del aka-5 Republica del Filipinas.